ویب ڈیسک

گوگل نے اپنے وائس ٹائپنگ فیچر کو اپ ڈیٹ کر دیا ہے اور اس میں اب تیس نئی زبانوں کا بھی اضافہ کر دیا گیا ہے ان زبانوں میں اُردو کو بھی شامل کیا گیا ہے۔

اب گوکل وائس ٹائپنگ میں کل 119 زبانوں کا ریکارڈ شامل ہے۔ نئی شامل ہونے والی زبانوں میں جہاں اُردو کو بھی لیا گیا ہے وہیں
پر ہندوستان میں بولی جانے والی آٹھ مزید زبانوں کو بھی وائس ٹائپنگ میں شامل کر دیا گیا ہے۔

گوگل وائس ٹائپنگ فیچر کو سمارٹ فونز اور کمپیوٹر میں بھی استعمال کیا جاسکتا ہے۔ اس فیچر کے ذریعے سے آپ اُردو بولیں گے اور گوگل اُسے ٹائپ کر دے گا اس کے لیے کچھ بھی لکھنے کی ضرورت نہیں ہوگی۔

گوگل نے افریقہ کی دو بڑی زبانوں سواحلی اور امہاری سمیت سنہالی ، بنگالی ، ارمینیائی ، آذربائیجانی ، نیپالی اور تامل بھی ہیں۔ وائس ٹائپنگ کے ذریعے مواد کی تلاش کے لئے جی بورڈ کا استعمال کیا جائے گا جس کا آپشن گوگل سرچ کے خانے میں ہی موجود ہے۔

اس کے علاوہ اموجی ٹائپ کرنے کے لئے بھی گوگل آواز پہچان کر مطلوبہ اموجی ٹائپ کرے گا۔ مثال کے طور پر اسمائلنگ فیس اموجی بولنے پر مسکراہٹ والی اموجی آ جائے گی۔

گوگل کا کہنا ہے کہ وائس ٹائپنگ کے فیچر سے گوگل کو ایسے یوزر ملیں گے جنکا ٹیکنالوجی کو استعمال کرنے کا انداز پرانے یوزرز سے مختلف ہوگا۔